Vostede está aquí: Proxectos
Volver a: Inicio
Xeral:
Información de Contacto
Edición
Mapa do sitio
PROXECTO DE INVESTIGACIÓN E DESENVOLVEMENTO DE PRODUTOS DE MADEIRA CUNHAS ELEVADAS PRESTACIÓNS FRONTE O LUME
O proxecto foi seleccionado para ser financiado na convocatoria do ano 2005 do Plan Galego de Investigación, Desenvolvemento e Innovación Tecnolóxica, dentro do Programa de Tecnoloxías dos Materiais.
O principal obxectivo do proxecto é desenvolver unha gama de produtos de madeira cunhas propiedades melloradas respecto do seu comportamento fronte ó lume. Entre ditos produtos encóntranse vigas de madeira laminada encolada, portas de paso, paneis de cuberta, pavimentos e perfís de madeira laminada para carpintería.
No proxecto participan catro importantes empresas do sector da transformación da madeira de Galicia; Molduras del Noroeste S.L., Laminados Villapol S.A., Pumade S.A. y Auxitesa S.L., xunto ó Centro de Innovación e Servizos Tecnolóxicos da Madeira de Galicia.
Tres das empresas basearan o desenvolvemento dos seus produtos no emprego de madeira previamente impregnada en autoclave co ignifugante MNO-3, desenvolto pola empresa Molduras del Noroeste. A outra empresa desenvolverá un produto estrutural baseado na madeira de eucalipto encolada con adhesivos resistentes ó lume. Deste xeito aprovéitanse dous grandes potenciais do recurso forestal galego: madeira de eucalipto cunha elevada densidade no seu durame e un bo comportamento fronte ó lume, e madeira de coníferas (Pinus pinaster, etc.) que, mediante un tratamento por impregnación en profundidade, son aptas para o seu emprego en condicións de especial resistencia fronte ó lume.
A agrupación das empresas nun proxecto coordinado débese ó feito de compartir o principal obxectivo do proxecto, o que lles permitirá realizar tarefas de forma conxunta e beneficiarse simultaneamente dos seus resultados. Así, a información procedente dos sucesivos ensaios de reacción e resistencia ó lume cos distintos materiais e produtos, servirá para mellora-lo deseño construtivo de cada elemento particular. Outro aspecto importante é poder dispor dunha ampla gama de produtos cunha boa resistencia ó lume, o que permitirá exercer un impacto moito maior no mercado e entre os prescritores.
O proxecto desenvolverase entre os anos 2005-2007 e rematará coa realización dun seminario orientada a prescritores galegos onde se presenten os resultados e, no seu caso, os novos produtos obtidos.
Ir a: Eficacia dos tratamentos protectores Desenvolvemento de métodos de tratamento